Page 16 - 02aug24

PAGINA 16 DIARIO DIABIERNA 2 AUGUSTUS 2024
Exitoso evento

‘Christmas in July’

tabata hopi bon bishita

ORANJESTAD (AAN) E ambiente den e evento
“Christmas in July”, sigur merece palabranan di hopi
pabien, mirando e acogida grandi cu el a capta.
Trafico tabata pega y autonan mester a staciona
basta un bon distancia, p’asina esnan cu kier a
bishita e actividad aki, por a cana. Gruponan musical
a resona musica di fin di aña, cu sigur a pone hende
den e sentimento di Pasco.
Manera ta conoci el a tuma lugar na Hadrey di
Faust, na San Nicolas y a wordo organiza pa Patrick
Geerman. El a traha duro riba e evento, y na final e
por ta satisfecho cu e gran exito cu esaki a bira.