Page 34 - AM240801
P. 34
34 COMUNIDAD AWEMainta Diahuebs, 1 Augustus 2024
Fundacion CINEARUBA cu tayernan di skirbi
script, traha musica y actuacion di voz gratis
PA CINEARUBA su obra auditivo e funda-
cion ta ofreciendo diferente tayernan
gratis. E proyecto ‘TracingRED’ ta consisti
di tayernan pa skirbi script, traha musica y
actuacion di voz incluyendo efecto di zonido.
Esaki ta bay ta e dos biaha cu CINEARUBA
lo crea un obra auditivo, e ultimo tabata
‘Drama den Aire’ unda cu coriente a bay net
momento cu dos amiga tabata mirando e
capitulo final di nan telenovela faborito. E
obra auditivo di e aña aki lo tin e topico di
sclavitud y e storia lo wordo crea durante
e tayernan. Tur tayernan ta conecta cu e
obra, unda participantenan di musica lo
traha e canticanan cu lo sali den e obra.
Participantenan di actuacion di voz lo actua
den e obra y otronan lo realisa e efectonan
di zonido.
E prome dos tayernan ta di skirbi script y
musica. E tayernan lo inicia dia 2 di september
y tin un duracion di 12 dia parti den un luna.
Tayernan lo ta tur atardi. Participantenan
di script lo siña con pa tecnicamente skirbi
un script, pero tambe e parti literario di un
script. Participantenan di musica lo wordo
introduci na instrumentonan Afrocaribense
y conhunto cu e instructor nan lo traha e
cantica pa e obra.
Na october lo inicia e tayernan di actua-
cion di voz cu lo bay hunto cu efectonan
di zonido. Participantenan lo siña diferente
aspectonan di uzo di voz pa un obra audi-
tivo y tambe con pa crea efectonan practico
y digital. Di biaha lo sigui pa e presentacion
final cu lo ta na november.
Tur participante lo forma parti di un podcast
unda cu nan lo papia di nan experencia cu
e tema, e tayernan y e proyecto. Tambe un
video reportahe lo wordo haci di e partici-
pantenan unda lo documenta ful e proceso.
Edad pa participa na e tayernan y e proyecto
ta 12 aña bay ariba.
Pa mas informacion y inscribi bishita e
pagina web cinearuba.com.
