Page 7 - Aruba Bank, 11 May 2015

Dialuna Mei 11 2015 Pagina 5

Auto a lanta mainta cu
falta di dos tire

Central a manda Polis diabierna pa 6:31, na Montaña
na unda ladronnan a saca dos tire for bao di un auto.
Na e sitio e muher R.D.S.G.,doño di e auto a bisa cu
el’a para e auto diahueb s pa 20:30 un auto Kia Rio,
A- 15411, riba e tereno dilanti di su cas y a lague bon
cera. Banda di 3:00, el’a tende e cachonan blaf y no a
preocupa. Mainta pa 6:25, su bisiña a lant’e y a bis’e
cu ladronnan a bay cu dos tire di su auto. Recherche a
wordo poni na haltura pa e investigacion.

Ladronnan a laga auto
sin number atras

Polis a bay diabierna pa 7:17 den vecindario di
Chuchubistraat, unda ladronnan a laga un auto atras.
Na e sitio a mira e auto Toyota blanco sin number.
Papito Towing a hiba e auto na garashi di Polis na
Balashi.

Homber haciendo
fastioso a keda deteni

Central a manda Polisnan diabierna pa 1:16, na Aruba
Blue Village, pa un persona indesea. Na e sitio polis a
mira un grupo di persona den cura di e hotel. Despues
Polis a mira e homber indesea, haciendo fastioso. Nan
a duna polisnan descripcion di e sospechoso, pero ora
el’a mira polis, el’a core bay. Polis a logra toch topa
cune dilanti di un kamber y nan a detene, mirando cu
e ta bao di influencia di alcohol. Polis a hib’e warda di
Shaba. Polis a papia cu e muher P. kende a bisa cu e
homber tabata buscando problema cu tur hende y tabata
insulta tur hende na e sitio. Na warda a constata cu e
tabata fuertemente bao di influencia di alcohol of otro
substancia. Ta trata di J.F.S. naci na Estados Unidos di
22 aña.

Bomber a paga candela
banda di cas

Central a manda Polis na un cas na Matadera, diabierna
pa 4:57, unda tabata tin candela, pega cu un cas. Na e
sitio a resulta cu ta un tereno grandi cu hierba tabata
kimando. Brandweer a wordo manda na e sitio y a paga
e candela.

Homber maltrata pa
grupo di homber

Central a manda Polis diasabra pa 3:52 na haltura di
Lekker Bar, unda un homber a keda maltrata. Na e sitio e
homber C. a bisa cu el’a wordo maltrata pa un grupo di
mucha homber. Ambulance a bin na e sitio y a transport’e
pa poli pa tratamento.