Page 14 - Awe Mainta

14 AWEMainta Diabierna, 25 September 2015

Na Den Haag

Acogida grandi
pa charla di
Ramon Todd
Danderé na
Gabinete di
Aruba

DEN HAAG – Un sala yen a asisti na un charla di Ramon Todd

Danderé cu a tuma lugar den Sala Padu di Gabinete di Aruba.
Presente tabata Minister Plenipotenciario, Alfonso Boekhoudt,
Minister Plenipotenciario suplente di Curaçao Robert Candelaria,
miembro di Raad van State dr. mr. Mito Croes, Director a.i. di Gabinete
di Minister Plenipotenciario di Curaçao, Humphrey Senior y diferente
persona cu amor y interes p’e idioma di Papiamento, como docente
of escritor.

Prome cu e charla funcionario di cultura na Gabinete di Aruba a pidi un
minuut di silencio den memoria di e escritor Herman ‘Manchi’ Hennep
kende recientemente a fayece.
Ramon Todd Danderé tene su charla na Hulandes bou di e titulo:
“Historia di diccionario y lista di palabra na Papiamento di 1829 pa
2014”.
Den su introduccion el a papia di e terminologianan lexicologia y lexicografia.
Pa duna un bon ilustracion el a conta tocante e historia di diccionario na Europa.
Despues Ramon Todd Danderé a pasa na papia tocante diferente sorto di trabao
lexigrafico, sigi pa un resumen di lexicografia na Antianan Hulandes y Aruba.
Ramon Todd Danderé na final a duna un relato di e diferente diccionarionan den
siglo 20.

Despues di su charla Minister Plenipotenciario Alfonso Boekhoudt a gradici Ramon
Todd Danderé p’e charla hopi interesante y a bisa cu sigur e presentacion di Ramon
Todd Danderé a amplia e conocimento di e publico riba nos idioma Papiamento.