Page 13 - KPA 19 DEC 2015
P. 13
Pagina 12 Diasabra 19 December 2015
Varios cooler bieu na candela patras di edificio na Santa Cruz
Diabierna atardi 2:45
brandweer ta bay un
edificio pazuid di Santa
Cruz Bar Restaurant pa
un candela basta grandi
parti patras.
Na yegada por tuma
nota di vlamnan grandi y
hopi huma.
Mes ora brandweer a
bay den accion, y polis
a cera e caminda di
rotonde te altura di cede
di mep pa asina trafico
no stroba.
Loke tabata na candela
tabata un cantidad
di cooler nan biew di
ex Lee Tai Trading.
Brandweer a domina e
candela basta lihe y di e
manera ta scapa e parti
paden di e edificio cu ta
cera.
E edificio pega cu
e coolernan aki
probablemente lo ta un
deposito.
Remarcabel ta cu no
mucho siman pasa a
cende algun auto bieuw
na candela.
Awor na mes sitio ta
pega e coolernan bieuw.
No ta descarta cu por
ta trata di algun mucha
baldadi cu ta haci esaki.
Den vicindario tin yen
di camera di seguridad
y comerciantenan den
vicindario lo mester
draai bek nan tape pa
mira ta ken ta autor di e
candelanan aki.
No ta descarta cu e
autor lo por wordo gara
muy pronto pa asina e
stop di haci fechoria.
