Page 31 - 02June2022

DIAHUEBS 2 JUNI 2022 DIARIO PAGINA 31
Fortaleza pa Famia

Skirbi: Pastor Marcel Balootje
Entrega bo curazon na Dios

y sali for di depresion

Mescos cu Covid 19 no a termina y keto bay e virus ta den aire, asina depresion tabata
existi prome cu Covid, y a keda comproba cu un entrega di curazon completamente na
Dios ta kita bo depresion..

Y awe tambe Dios por sana bo di depresion basta bo dicidi di entrega bo curazon na Dios,
Dios no kier mitar di bo curazon, Dios kier bo curazon completo pa asina e por sana bo
completo di bo depresion.

Nada locual ta orguyo, rabia, falta di pordon y amargura no ta bin di Dios, nan ta bini for di
e mundo di scuridad. Ken ta goberna di bo curazon?
DICON DIOS KIER BO CURAZON ?.

Filipensenan 4:7 ta para scirbi: Y e pas di Dios cu ta surpasa tur comprondemento, lo warda
boso curazon y boso mente den Cristo Hesus.
Sin e pas ddi Dios , hende no por avansa, hopi biaha paz ta wordo busca den paranda y
vicio, pero tur esey ta temporal Cristo Hesus ta permanece pa semper den nos curazon.
Salmo capitulo 73 vers 26 ta para skirbi: Mi carni y mi curazon por faya, ma Dios ta e
fortaleza dimi curazon, y mi porcion pa semper. Ora bo entrega bo curazon ta nifica cu
arepentimento a bati na bo porta cu ya bo no ta haci mas manera abo kier, pero bo ta
reconoce cu ta Dios bo mester, y Dios lo yuda bo.
Mateo capitulo 6 vers 21 ta para skirbi: Pasobra caminda boso tesoro ta eynan boso
curazon lo ta tambe.
Hopi biaha hende tin cosnan den nan bida na cual nan ta mara, y no kier laga los , manera
cultura, religiosidad, idolatria, cosnan cu nan ta stima mas cu Dios, y nan no kier laga bay,
hende ta haña cu nan curpa ta stima nan mes mas cu Dios..Hendenan cu ta adora material
, posicion of hasta otro ser humano mas cu Dios. Nan curazon ta mas mara cu hende cu
na Dios..
Romanonan Capitulo 12 vers 2 ta para skirbi: No sea conforme e mundo , ma sea
transforma, pa medio di e renobamento di boso mente, pa boso por comproba kico ta e bon
y agradabel, y perfecto boluntad di Dios. Ora bo entrega bo curazon completamente na
Dios lo bo conoce e boluntad di Dios.

Salmo 37 vers 4 ta para skirbi: Deleita bo mes den Señor y e lo duna bo e deseonan di bo
curazon. Felicidad berdadero ta solamente den Cristo Hesus,y no den regalo of deseo cu
e mundo ta ofrece.

Salmo capitulo 34 vers 18 ta para skirbi: Señor ta serca di e hende di curazon kibra. E ta
salba esnan di spirito abati. No tin dolor, problema, obstaculo, cu Dios no por soluciona of
sana, E ta kita scuridad y trece lus, E lo restaura bo alma, y E ta sana bo curazon..

Romanos capitulo 5 vers 8 ta pa scirbi: Ma Dios a demostra Su mes amor pa cu nos den
esaki, cu tempo nos tabata pecador ainda, Cristo a muri na cruz pa nos.
Den Mateo capitulo 11 vers 28 Señor ta bisa bin serca Mi tur cu ta cansa y carga y lo mi
duna boso sosiego. Cristo Hesus tey pa tur hende..E amor di mundo no por garantisa
nada.
Juan capitulo 14 vers 27 ta para skirbi: Mi pas mi ta laga pa boso, Mi pas Mi ta duna boso,
no laga boso curazon bira intrankil, ni lague tene miedo.