Page 10 - MIN SOC SEPT 18, 2015

22 AWEMainta Diabierna, 18 September 2015

Training tabata den full swing pa Sound & More duna Aruba un solo presentacion

“Awe diabierna den Red Cup Block Party
pueblo lo por goza di nan un biaha mas”

PA ALGUN siman ya caba tabata circula

riba rednan social cu e conocido banda Sound
& More lo uni p’asina duna Aruba un ultimo
presentacion. Manera cu nos tur sa, cu Sound
& More no ta un banda desconoci y sigur den e
temporada di 2000 pa 2005 nan tabata e banda
di momento cu practicamente tabata domina
tur fiesta.

Sin papia di e conocido lugar Choose A Name,
Ice Berg y mucho mas unda cu Sound & More
tabata toca frecuente. Despues di varios rumor
cu tabata circula, porfin e noticia a keda
confirma cu enberdad tur integrante a uni cabes
hunto pa lanta e banda pa un solo presentacion
cu lo tuma lugar awe diabierna.
E presentacion pa uni e banda hunto tabata
un deseo di un persona masha special cu lo ta
celebrando su cumpleaños y semper tabata kier
pa Sound & More toca na su fiesta.

Well, e deseo a wordo cumpli y awe diabierna
Aruba completo lo tin e oportunidad pa baila y
goza di Sound & More pa un solo presentacion.
Tur hende ta keda cordialmente invita pa
atende e Red Cup Party cu lo tuma lugar na
Cheezy Corner Lounge diabierna awor.