Page 28 - AWM8JUNE2017

28 AWEMainta Diahuebs, 8 Juni 2017

Kiwanis Palm Club of Palm Beach
ta promove hermandad dor di

organiza actividad entre clubnan

E ultimo weekend di mei, Kiwanis Club of Palm Beach a organiza

un torneo di softball cu diferente club di servicio, incluyendo Ro-
tary Aruba, Kiwanis Club of Aruba, y Kiwanis Club of Palm Beach.
Esaki ta di e 3 edicion di e evento caminda e clubnan ta competi
contra otro p’asina pasa un rato agradabel cu otro.
Pero mas importante ainda, e evento tin dos razon su tras. Na
prome lugar pa sigui promove hermandad entre e clubnan y tambe
e ta brinda e clubnan un oportunidad pa intercambia idea pa sigui
ofrece servicionan y tempo boluntario bek na comunidad.
Maske cu tin mas club di servicio na Aruba, e biaha aki a opta pa
envolvi e 4 clubnan aki pa sigui fomenta e movimiento di servicio
y hasta purba di crea partnerships pa proyectonan mas ambicioso.
E clubnan di Kiwanis ta concentra hopi riba mucha y mientras cu
Rotary Aruba to concentra mas riba hendenan di edad, pero esey no
kier cu nan no ta duna atencion na otro gruponan di comunidad.
E pasion pa servicio serca tur club di servicio di Aruba ta bisto y
pues ta natural cu clubnan ta purba di saca maximo probecho di
talentonan di tur e miembronan.
Kiwanis Club of Palm Beach Aruba ta forma parti di Kiwanis
International, un organisacion mundial di boluntario dedica na
cambia mundo, cuminsando na un comunidad y un mucha.
Nos ta un organisacion den crecemento, dedica na yuda muchanan
di mundo henter hisando nan calidad di bida.