Page 33 - HOH

Esnan envolvi den un caso di cuido a haya necesario pa acerca nos redaccion pa expresa

nan malcontento riba e forma cu ta duna cuido. Hendenan mester yudansa medico

urgente mester cana un caminda di cruz pa asina haya e yudansa.

Na a mandanan di un lugar pa otro prome cu finalmente e señora wordo yuda. Ta trata di
un señora di 71 aña di edad cu diamars anochi a pega cu weso di pisca. E señora ta biba

su so y a haya conocirnan cu a dune un man mesora. Nan a hibe Centro Medico na San

Nicolas. Eynan no por a saca potret y a dicidi cu ta miho mande Hospital na Servicio di

Emergencia. Eynan nan a atende cune y a bise pa e bay dokter mainta. Mientrastanto e

señora tabata sclama di dolornan fuerte den su garganta bay abou pasobra e weso di pisca

tabata causa problema. El a pasa henter anochi ta sufri. Diaranson mainta a yama dokter

di cas su oficina y nan no tabata coy telefon. Esaki ta e mesun keho cu ta drenta

regularmente tin hopi persona ora cu nan mester yega den contacto cu un of mas dokter.

A yega personalmente na e consultorio y ora a splica cu ta yamando basta rato, e contesta

cu e secretaria a duna no tabata uno agradable. Di mainta a keda warda riba dokter te

merdia. Merdia finalmente e dokter a bisa cu berdad e señora mester wordo atendi

urgente y a mande pa Hospital. Na yegada atrobe mester a sinta warda. A medio insisti

poco pasobra cada biaha e señora ta sinti mas malo. No ta un mucha pero ta trata di hende

grandi. A bay saca potret pero ainda tabata manera duda si e weso tey. Despues di warda

finalmente a dicidi di bay haci e operacion cortico pa yuda alivia e dolor di e señora.