Page 3 - FLPD JUN 28 2021
P. 3
10 AWEMainta Dialuna, 28 Juni 2021
Landadornan di Aruba ta bolbe sobresali
den e competencia di CCCAN na Puerto Rico
Unda a logrando varios medaya
DOS dia di competencia CCCAN na Puerto
Rico ta tras di lomba, competencia ta fuerte,
pero Aruba su atletanan ta logra sobre sali.
Prome dia tur atleta ta pasa pa finals atardi
unda cu Aruba ta bay cu 5 medaya, 3 di Brons:
Jaydon Croes den 200 m IM, Braynsly Dirksz y
Anahi Schreuders den 100 m Breaststroke, 1 di
Plata: Jaydon Croes den 200 freestyle y e anochi
ta wordo sera cu e himno si Aruba cu medaya di
Oro pa Mikel Schreuders den 200 m freestyle.
Diabierna Team Aruba ta bolbe pasa pa finals
den varios evento unda cu Aruba ta surpasa e
cantidad di medaya di e dia anterior y ta bay
cu 6 medaya: 3 Brons: den 200 m Breaststroke
Braynsly Dirksz y Anahi Schreuders, Chloë
Farro den 100 m freestyle, 2 Plata cu ta bay pa
Jaydon Croes y Allyson Ponson den 100 m free-
style y un biaha mas nos ta scucha e himno di
Aruba pa e medaya di Oro den 100 meter free-
style landa dor di Mikel Schreuders.
Un pabien tambe ta bay pa nos otro atletanan
cu ta keda den e mihor 8 den e campeonato di
CCCAN, Ocean van Loon ta keda den 200 IM
di 4 lugar y su 50 m fly na di 8 lugar, Mikaela
50 fly a keda na di 6 lugar y 50 m back na di 5
lugar.
Ian Croes ta keda na di 6 lugar den e 200 free-
style, den 200 breast ta keda na di 4 lugar y
100 freestyle na di 7 lugar. Anezka Tromp ta
bay finals den 200 free y ta keda na di 6 lugar.
Gavin Kock ta keda na di 5 lugar pa 100 y 200
m breaststroke.
Tin di bisa cu nos atletanan a keda entrena
desde e pandemia y AAF ta satisfecho cu e re-
sultadonan te cu awor. Diasabra mainta team
Aruba a landa diferente evento pa logra finals
diasabra anochi.
