Page 16 - WEB

Repsol no ta sigui mas cu e campaña di exploracion

pa petroleo of gas

DECEMBER 4, 2019 LEAVE A COMMENT

ORANJESTAD – Pa medio di e comunicado aki Compania Arubano di Petroleo (CAP) kier
informa pueblo di Aruba cu Repsol no ta sigui cu e campaña di exploracion pa petroleo of gas
(hidrocarbon) den awanan territorial di Aruba. Repsol a dicidi pa no drenta e siguiente fase di e
contracto cu e tin cu CAP. E contracto firma pa ambos partido na december 2012 a yega su fin
30 november di 2019, despues di un periodo en total di 7 aña.

E rason principal pa no continua cu e campaña di exploracion ta e resultadonan di e proefboring,
Bon Bini-1X, pa noord di Aruba, cu a resulta den un “dryhole”. Despues di analisis di tur e
informacion obteni di Bon Bini-1X, a corela esaki hunto cu e datonan sismico cu a adkiri na
2014 y 2015. Door di e corelacion aki por a reevalua e prospectonan bieu y kisas haya prospecto
nobo den e awanan teritorial di Aruba. Despues di e reevaluacion aki a determina cu no lo ta bal
e riesgo financiero pa sigui explora.
Un otro factor cu a contribui pa no continua cu e campaña di exploracion ta cu no a haya un otro
socio pa comparti e riesgo financiero. E riesgo aki ta inherente na e industria di exploracion di
hidrocarbon. Casi e mes momento despues cu e resultadonan preliminar di Bon Bini 1X a keda
conoci, e compania Frances Total, a sali for di e joint venture na october 2018, lagando Repsol
como unico compania pa carga tur e riesgonan financiero. Den e industria aki, specialmente den
area fronteriso, no ta comun pa un compania opera su so debi na e riesgo financiero concerni.
Esaki no ta asina straño si ta conoci cu e chens cu un pos ta encontra petroleo na un cantidad
comercial den e areanan fronteriso ta entre 10 cu 30%.
Fase 3 di e contracto a caba na mei 2019. Repsol a pidi pa un extension di fase 3 di 6 luna pa
asina haya mas tempo pa busca un socio pa drenta fase 4 di e contracto. Aworaki e 6 lunanan a