Page 16 - ARUBA BANK

Minister Maduro: “No uza e crisis como un oportunidad pa hisa prijs”

ORANJESTAD (AAN): Minister di Finanza, Xiomara Maduro, a yama un conferencia di
prensa extraordinario diabierna anochi pa referi specificamente na e tema di e situacion

di inventario di alimento y mercancia aki na Aruba den cuadro di e pandemia di
Coronavirus.

E mandatarionan a cuminsa bisando cu hendenan ta bira intrankil y a drenta den un tiki

panico acudiendo na e supermercadonan pa cumpra cuminda y otro productonan.

Maduro a laga sa cu tin hopi pregunta cu ta wordo haci pa loke ta e situacion actual
awor cu e casonan a presenta tambe na Aruba.

El a haci un apelacion pa no drenta den panico. Ta algo sin precedente ta tumando
lugar pero pa esaki ta tumando decisionnan y tin un crisis team ta trahando pa atende
cu e parti aki.

E mandatario a laga sa cu pa loke ta alimento y mercancia, e wholesalers tin suficiente.

Gasolin tambe ta bay tin. Comestibel tin suficiente stock pa abastece e mercado local y

atende cu turismo.

El a agrega cu containernan tambe ta biniendo manera mester ta. Kiermen, te cu
aworaki no tin problema di abastecimento.

CONTROL DI PRIJS

Na otro banda, un aspecto hopi importante cu el a trece dilanti ta e preocupacion di e

comunidad relaciona cu e hecho cu tin prijsnan ta subiendo na supermercado. Pero el a
indica cu control ta tumando lugar.

Departamento Economico ta bezig ta e controla prijsna di e productonan cu ta forma

parti di e macuto basico. Tambe tin un App pa controla e prijsnan di productonan
basico.