Page 44 - AHATA
P. 44
ORANJESTAD (AAN)- Diabierna mainta, e conocido
señora Hiacintha Thijsen a bishita DIARIO tocante un noticia importante cu e tin pa
pueblo di Aruba.
Señora Thijsen a conta cu for di aña pasa caba e ta den contacto cu un representante di
IntelGroup di Turkia, un señor di Curacao caminda e grupo aki ta interesa pa bin habri
e refineria di Aruba.
E compania ta un inversionista grandi di Turkia y ta dispuesto pa sinta na mesa cu
Gobierno di Aruba pa mira kico e posibilidad ta pa yega na un entendimento pa cu e
refineria di Aruba.
Señora Thijsen a bisa cu como e conoce e representante di Curaçao, e persona aki a
contact su persona y su casa pa asina nan sigui busca e contactonan necesario pa asina
e grupo aki por sinta na mesa.
Aki Señora Thijsen a sigui bisa cu ya caba tabata tin representantenan di e compania
aki na Aruba pa papia cu Gobierno di Aruba y tambe Promer Minister tin un copia di e
carta cu e compania a manda y tambe Presidente di Parlamento Ady Thijsen.
E grupo ta interesa pa maneha e refineria completo, es decir di renoba e refineria na
San Nicolas, incluyendo inverti den e planta pa produci otro productonan y hasta pa
tuma e trahadornan cu tin actualmente over segun acuerdo.
