Page 26 - FUNDACION LOTTO PA DEPORTE - NOV 16_Neat

ORANJESTAD (AAN)- Best of the Best Taekwondo Challenge a hala hopi atencion den
weekend cu e tremendo peleanan cu tabata tin. A cuminsa mainta cu e chikitonan y a
sigui anochi cu e grandinan cu por a mira pelea un tras di otro y nos bringadonan a

demostra un biaha mas Taekwondo di nivel.

E bringadornan pa Aruba Jewel Illidge, Joshua Klabér, Zyon Thielman, Angelo
Rodriquez, Dudi Perez y Chiara Petrocchi a sali best fighter na Best of the Best
Taekwondo Challenge.

Nos medayista di oro Chiara Petrocchi su prome pelea a bay contra di Maria Alejandra
Gañan di Colombia cu a haci tur den su poder, pero Chiara Petrocchi a domina e pelea

for di e prome rond te na final y Chiara Petrocchi a gana cu un score di 17-3.

Chaira Petrocchi su di dos pelea a bay contra di Marzoneth Carillo di Colombia y Chiara
Petrocchi no a pensa dos biaha pa bombardia Marzoneth Carillo, ganando e pelea 19-3.