Page 48 - AVP

riesgonan di nan durante e periodo di 2010 pa 2016, a mustra bon cla cu Gobierno
anterior a haya un ‘dikke vieze onvoldoende’.

Na un forma figurativo pa pueblo por compronde e situacion mihor, el a bisa den su
disertacion cu si e tabata un director di scol e lo mester a bisa su studiante, cual t’e
gobernacion anterior, cu el a haya un ‘dikke onvoldoende’y hasta a keda sinta.

E ta expresa cu ta facil pa goberna trahando yen di cos luhoso y grandi pa hendenan por
wak, pero cualkier persona por compronde awor con fatal e resultado financiero di
esakinan ta pa Pais Aruba.

Tur punto menciona den e raport ta duna Gobierno pasa un ‘dikke vieze onvoldoende’,
Howell ta expresa.

Contraloria General ta menciona den su raport cu e proyectonan di gobernacion anterior
tin efectonan negativo riba e posicion financiero di nos isla. Pero segun e Parlamentario,
esey tabata e manera di goberna di esnan cu ta sinta den oposicion awe. Nan a kere cu
hende na Aruba ta bobo, pero esey no t’e caso y cada bes mas hende ta ripara e
consecuencianan di e tipo di manehonan asina.

Awor ta keda n’e Gobierno actual y e siguientenan te na 2044 pa soluciona e efectonan
negativo laga atras p’e Gobierno anterior.

“Ta nos yiunan, nos nietonan y nos bisanietonan lo bay sigui carga e consecuencianan di
e maneho desastroso di Gobierno anterior”, segun Alan Howell.

Mas aleu el a trece dilanti cu e hunto cu su colega lider di fraccion di POR, lo sostene un
mocion pa realisa un investigacion riba e proyectonan aki, pasobra den e raport di
Contraloria General, unico cu falta pa bisa ta cu ta un wega di gangster tabatin den nan.

Ta importante pa Gobierno haci su trabounan riba esaki pa por saca afo tur e
interogantenan cu tin, incluyendo esnan di parti di Contraloria General mes.

Finalisando, Alan Howell a bisa cu e ta considera cu e raport ‘Bo Aruba’ lo mester tey na
scolnan secundario rond Aruba pa nos hobennan por sa kico ta pasando na nos pais.