Page 8 - MEDIQ FLIP 21 MARCH 2017

Visser Pharma Group ta sigui duna

bek na comunidad Meals on Wheels

awor ta conta cu sosten di Mediq

MARCH 21, 2017Aruba News 116 Views

ORANJESTAD, Aruba – Maart 2017: Siendo un parti integral di e famia di Visser Pharma Group, e
boticanan Mediq recientemente a cera un aliansa strategico cu Meals on Wheels, den cual ta sostene nan
financieramente den nan afan pa percura pa cuminda cayente pa esunnan den mas necesidad riba nos isla.
Meals on Wheels a cuminsa door di un Pastoor di Inglatera trahando na Aruba cu tabata busca boluntario pa
bay den village y entrega cuminda na personanan di misa y tambe esunnan cu no ta pertenece na e misa, tur cu
ta den necesidad.

Mas hende a cuminsa acudi pa yudansa durante aña. Diferente coki tabata cushina na nan mesun cas. Tur
cuminda tabata wordo entrega na cas den 1 auto despues a logra haña un Van pa haci entrega. Cantidad di
persona a keda crece y a yega te cu 90 persona. Na un cierto momento salubridad a interveni cu no ta saludabel
pa entrega cuminda rond den un Van. A traha un cushina cerca di e misa cu donacion di Rotary Club. Mester
menciona cu algun boluntario ainda ta cushina na cas. Tur persona cu ta desea di wordo yuda mester yena un
formulario y entrega esaki, si nan ta malo cronico, ta un pashent diabetico, presion halto y tambe ken ta nan
dokter di cas. Na un cierto momento hasta dokternan tabata yama pa pidi ayudo pa esunnan cu ta opera wowo
of lomba pa pidi pa nan haña ayudo pa cuminda.

Meals on Wheels ta existi 49 aña y 10 boluntario ta traha pa yuda personanan incapacita pa cushina pa nan
mes. Awendia e cushina ta wordo uza ainda pa cushina pa 60 persona, kiermen 60 cuminda 2x pa siman,
diamars y diabierna. E bunita ta cu no ta solamente cushina y entrega cuminda pero tambe ta duna atencion
door di haci fabor pa cumpra pan of un persona a cay y mester yudansa, tin ora just pa scucha nan.

Visser Pharma Group, semper ta stimula iniciativanan bunita asina pa yuda nos comunidad y ta orguyoso di
yuda Valerie Connor, kende ta Presidente di e fundacion aki. Valerie ta disfrutando di su pensioen actualmente
despues di a traha cu nos pa 41 aña como Apotheker’s Assistent na Botica San Lucas.