Page 6 - DVG

Pa por cumpli cu e derecho aki, seccion cuido salud hubenil ta bishita tur scol primario y
basico na Aruba pa duna cuido di salud preventivo na e muchanan.

Durante e controlnan di salud aki enfermeronan y docternan ta controla e aspecto

fisico, mental y social di e muchanan.

Como cu esaki ta derecho di tur mucha, e mayor of voogd cu tin un yiu ta bishita scol
primario of basico ta wordo informa di e controlnan pa medio di un carta na momento

cu e mucha cuminsa scol primario of basico pa prome biaha.

Mayor cu no ta desea of tin obhecion pa su yiu ricibi e control di salud tin pa haci esaki
por escrito atravez di e carta cu nan ta ricibi na cas for di seccion cuido salud hubenil. E

controlnan di salud ta sosode durante e añanan cu e mucha ta na scol.

E mayornan cu no tin obhecion y cu si ta desea di ricibi e servicio di cuido di salud pa
nan yiu, no mester entrega ni tampoco manda ningun carta bek. Di e manera aki

seccion cuido salud hubenil ta cuida y proteha salud di nos muchanan di Aruba.

Pa mas informacion por tuma contacto cu seccion cuido salud hubenil na 522-4200 of
email na jgz@despa.gov.aw

https://www.diario.aw/2020/01/departamento-di-salud-atravez-di-seccion-cuido-salud-hubenil-ta-
duna-cuido-di-salud-preventivo-na-e-muchanan/