Page 6 - dario mrt 25

PAGINA 6 DIARIO DIARANZON 25 MAART 2015

Mama di Urich Pardo
preocupa cu movecionnan
straño den Mandolinstraat

ORANJESTAD(AAN): E famianan di Urich Pardo, kende
a worde deteni como sospechoso diadomingo cu a pasa ta
basta preocupa.

E mama ta sinti cu su yiu no tin nada di haber cu e caso
aki. Tur cos ta mustra cu tin conocir ta biba na Meiveld
unda autoridad a drenta diasabra anochi. Parce cu eynan a
haya e pasaporte di Urich Pardo pero segun e mama e no
tin di haber cu e asesinato.

Pa colmo e ta amigo di tur esnan cu conoce e victima y
e mes conoce e victima tambe cu a worde mata. “Nan ta
brother”.

E mama no ta kere cu amigonan ta mata otro. Ta un
sospechoso e ta.

Mientrastanto rond di e cas na Mandolinstraat ta mirando
movecionnan anochi laat y marduga. E bisiñanan den e
area ta den alerta y ta observando tur e movecionnan straño
aki.

E mama ta preocupa cu e cosnan aki pasobra e no kier
bira victima di algo cu nan no tin di haber cune pa motibo
di tumamento di cualkier venganza.

Tin mas famia ta biba den cas y nan no ta desea pa algo
malo sosode pasobra nan ta inocente den henter e asunto
aki.

Autoridad ta na altura di e cosnan straño den e barrio y
bisiñanan ta keda den alerta aunke poco spanta pa cosnan
cu por pasa mirando e tension cu tin den e barrio.

Ta spera cu e caso aki worde soluciona pronto y asina
e berdad sali rond di e morto di Lalo Webb. Ta deseanan
forza y duna e espacio pa autoridad por haci nan trabao.
Nan tur ta mama y nan sa ki dolor cada mama ta pasando
aden e momentonan aki.

Telefonnan di DIARIO
582-6747 Fax 582-8551