Page 29 - MIN ON 1 DEC 2015

AWEMainta Diamars, 01 December 2015 15

Panadera
Huchada a
haya bishita
di ladron

CENTRAL a manda Polis diadomingo 04.10, na

Panaderia Huchada pa un kiebro. N’e sitio a bin
constata cu ladronnan a drenta dor di dak.
Segun e doño mas o menos 03.50, e trahadornan a
bise cu ladron a drenta den e lugar. Ora cu el a yega,
e lugar tabata tur reboltia. Nan a bay cu por lo menos
250 florin. Polis a tuma e keho.

Concierto
‘Delightful
Christmas’

DIADOMINGO awor pa 4’ or di atardi den Cas

di Cultura, studiantenan di Scol di Musica Rufo
Wever, bao guia di e docentenan, lo brinda
amantenan di bon musica nan concierto di fin di
aña, ‘Delightful Christmas’.
Studiantenan a prepara un programa special pa
celebra e temporada di Pasco. Nan lo comparti nan
talento y lokenan a siña na Scol di Musica Rufo
Wever den
cancionnan crioyo, regional y tambe internacional
di Pasco.

Studiantenan lo mustra nan abilidad riba diferente
instrumento y lo presenta den gruponan chikito,
grandi y tambe como solista. Cu hopi entusiasmo
y dedicacion nan ta preparando p’e dia aki,
p’asina regala e comunidad di Aruba un magnifico
concierto.
Amantenan di bon musica no por perde e
oportunidad aki di scucha y mira nos futuro
musiconan.
Aruba henter ta keda cordialmente invita n’e
concierto ‘Delightful Christmas’ di Scol di
Musica Rufo Wever. Carchi ta obtenibel serca
administracion di Scol di Musica Rufo Wever na Cas
di Cultura piso ariba y na porta dia di e concierto.