Page 26 - flip min.sja

Prolongacion di entrega di registro di Personal 2014 – 2015 segun Ordenansa
Laboral
Tuesday, 31 March 2015 12:42

Comparti

E Ordenansa Laboral 2013 (AB 2013 no. 14) a drenta na vigor dia 1 di april 2013. Ehecucion di articulo 30,
inciso 2, di e ley aki ta regla den e Decreto registronan Ordenansa Laboral 2013, cu ta stipula entre otro e
modelo di e registro personal y e obligacion di e dunado di trabou pa entrega esaki na Departamento di
Labor y Investigacion (DAO).

Pa medio di e comunicado aki, DAO kier a informa cu e dia pa entrega e registro di personal a wordo
prolonga te cu dia 30 di april 2015. E registro di personal ta consisti di tres parti: personal actual
segun 31 di december 2014 (ta cuadra cu e lista bieu di personal), e necesidad pa personal durante 2015
(ta cuadra cu e Manpowerplanning) y e necesidad pa personal segun proyectonan specifica (ta cuadra cu e
parti tocante proyectonan den e Manpowerplanning). Hunto cu e formulario tin añadi un splicacion di e
definicionnan di e terminologia uza pa e registro di personal 2014-2015.

Unda por haya e formulario di e registro di personal 2014-2015?

Por download e registro di personal via e website www.overheid.aw of www.gobierno.aw of por pasa
busc’e na oficina di DAO na Paardenbaaistraat 11. Tambe por manda un e-mail pa
arbeidsmarktonderzoek@hotmail.com y solicita pa e formulario.

DAO ta recomenda tur dunado di trabou cu si nan tin mas cu un sucursal den nan negoshi, pa yena un
formulario cu tur dato di e trahadonan y pa medio di un circulo rond di e number indica cua trahado ta
“rouleer” na e sucursalnan.

Con y na unda por entrega e formulario di registro di personal 2014-2015?

Pa e aña aki DAO ta desea pa empresanan manda e formulario den forma digital. Ta pidi tur negoshi pa
yena tur dato den un Excel spreadsheet segun e modelo di DAO y pa mand’e pa e e-mail menciona ariba.
Pa ricibi e modelo den Excel spreadsheet, por manda un email pa arbeidsmarktonderzoek@hotmail.com.
Ariba e prome pagina di e registro di personal mester pone informacion di e empresa, manera nomber di
persona di contacto, telefon, adres, e-mail etc. Mester scan e informacion y mand’e via e-mail pa DAO
hunto cu e formulario di registro di personal. Via e-mail, DAO lo manda un prueba cu a ricibi e registro di

personal pa 2014-2015. Tambe tin e opcion pa entrega e formulario personalmente na oficina di DAO.

Tene cuenta cu e formulario mester ta yena completamente.

Pa mas informacion tocante e registro di personal, por tuma contacto cu señora Louisetty Croes, na
telefon 583-7720 extension 302 of cu un funcionario di Bureau Arbeidsmarktonderzoek, na extension 244
of 223.

Orario di DAO ta di dialuna pa diabierna di 8 or pa 12 or y parti atardi di 1 or pa 4 or.

http://www.24ora.com/local-mainmenu-5/93621-prolongacion-di-entrega-di-registro-di-personal-2014-
-2015-segun-ordenansa-laboral-