Page 65 - MIN JUS

mustra cu “E imparcialidad (di polis) no mag di wordo cuestiona ‘at all’ pa asina nos por
sigui goza di e confianza ey’.

RECHASA E GESTO

Finalmente e hefe di polis a gradici sinceramente e gesto di solidaridad pa cu e Cuerpo
pero ‘mester rechaza esaki respetuosamente pa no tin duda den nos objetividad’. A haci
mencion mesora cu polis mes tin un cargamento di vest na caminda.

POLEMICA

E asunto aki, a bira un polemica ora cu e noticia a plama y cu riba e.o. rednan social
comentarionan a cuminsa plama riba e tema. El a haya te hasta un tinte politico ora cu
cierto politiconan a tuma e caso aki y a hinke den un bachi mas leu, indicando cu e acto
aki te hasta ta uno castigable pa ley, ora cu un ambtenaar, incluyendo un minister, ricibi
regalonan di comunidad.Esaki ta segun articulo 2:128 di nos codigo penal. E ta wordo
considera como soborno. E asunto practicamente a bira topico di dia, tanto riba rednan
social como algun radio emisora. Algun persona a comenta cu no ta compronde e 'issue',
sigur si ta algo cu ta 'salba bida' of ta 'yuda' polis, nan mester ta mas cu welcome. Y cu
den pasado tambe instancia a duna cosnan asina y no tabatin problema. Otronan ta bisa cu
ta ley pa un y ley pa otro. Si no por duna un regalo aki, no por duna regalo otro caminda
tambe.