Page 20 - AM250206

20 DEPORTE AWEMainta Diahuebs, 6 Februari 2025

MLB ta termina umpire Pat Hoberg

pa violacion di e politica di gambling

MAJOR League Baseball (MLB) a anuncia e terminacion di

umpire Pat Hoberg despues di un investigacion cu a revela
cu el a comparti cuenta legal di apuesta deportivo cu un
hungado di poker profesional cu a haci apuesta riba weganan
di baseball. Mientras cu e investigacion no a haya evidencia

cu Hoberg mes a aposta riba baseball of a manipula resultado
di wega, su accionnan a wordo considera como comprom-
etiendo e integridad di e deporte.

E investigacion a cuminsa na februari 2024 despues cu MLB
a wordo alerta pa un operador di “sportsbook” tocante un
cuenta habri den nomber di Hoberg. Investigacion mas aleu
a revela cu e aparato personal di Hoberg tabata asocia cu e

cuenta di apuesta di su amigo, un hungado di poker profe-
sional. E amigo aki a haci 141 apuesta riba baseball entre
april 2021 y november 2023, sumando aproximadamente
$213.754, cu un ganancia neto di mas o menos $34.583.

Notablemente, ocho di e apuestanan aki tabata envolvi
weganan cu Hoberg a oficia.

Comisionado di MLB, Rob Manfred, a enfatisa e gravedad

di e situacion, declarando cu e “husticio extremadamente
malo” di Hoberg den comparti cuenta di apuesta y elimina
mensahenan relevante “ta crea na minimo e apariencia di
iregularidad cu ta garantisa impone e disciplina mas severo.”

Consecuentemente, e terminacion di Hoberg, efectivo 31 di
mei 2024, a wordo manteni despues di un apelacion.

Den un declaracion, Hoberg a expresa remordimento, recon-

ociendo su “erornan den huicio” y tumando “responsabil-
idad completo” pa su accionnan. El a aclara cu nunca el a
apuesta riba baseball of a provee informacion pa otronan
haci esaki. Hoberg ta eligibel pa aplica pa reincorporacion

na comienso di “spring training” na 2026.

E incidente aki ta subraya e aplicacion estricto di MLB di su
politica di gambling pa mantene e integridad di e wega. E

liga a reitera su compromiso pa mantene standardnan halto
di conducta personal entre su oficial y hungadonan.