Page 8 - AM250206

8 POLITICA AWEMainta Diahuebs, 6 Februari 2025

Segun Fraccion di PPA den Parlamento

Aumento drastico den gas ta un bofta

traicionero di Minister di Economia

DEN un declaracion na prensa, lider di fraccion di PPA,
Otmar Oduber, e aumento sorpresivo aki pa loke ta trata gas
na Aruba, ta mustra cu e gobernantenan, en todo caso, e

Minister di Economia, mr. Geoffrey Wever, no tabata sincero
cu e pueblo aki. Esey ta loke mas ta resalta.

Un persona cu ta fungiendo como Minister di Economia, dos

luna pasa cu tabatin eleccion, no a notifica e pueblo aki cu
lo aumenta gas. E tabata sa caba n’e momentonan ey, cu ta
papiando riba 40%.

E realidad ta cu kier a subi cu casi 45% e prijs di gas na
Aruba. Sinembargo pa scoge pa subie cu 35%. E no ta algo
cu ta haya sa ayera of prome cu eleccion. E forma cu e ta

wordo presenta n’e momentonan aki despues cu a bay un
eleccion y cu naturalmente ta formando parti di un coalicion
di un gobierno pa bay sinta den futuro y aparentemente pa
loke ta bisa den medio di comunicacion, pa continua como

minister di economia.

No ta cuestion di ataca e persona, sino cuestion di e hecho.
Ta cuestion di con por tuma un pueblo haci. Nos tur a bay

den un eleccion, incluyendo e partido di Geoffrey Wever
y tambe tur otro partido, a mustra riba e hecho cu costo
di bida ta haltisimo na Aruba. Den henter e discusion ey,
den e contienda electoral na ningun momento, den varios

debate cu el a presenta, no a bisa pueblo cu tin mas medida
na caminda. Aworaki ta implementa un medida di 35% cu
ta nifica atrobe, riba e consumo principal di pueblo, cu ta
cuminda, manera PPA a bisa caba den eleccion, e abuso cu

tin cu e BBO n’e momentonan aki cu no por bay ainda den
un BTW, ta causa den acumulacion di tarifa cu e prijsnan ta
halto.

Aworaki den netamente di cuminda atrobe, den loke ta
restaurant y cushinamento na cas, e parti basico di un hende,
ta aumenta aworaki cu 35%. E ta algo cu ta inaceptabel. E
ta algo cu bo ta puntra bo mes con serio bo ta como politico

pa manipula un pueblo di e forma aki y awo ta purbando pa
forma un gobierno, Oduber a bisa por ultimo.