Page 33 - MIN ON Jan 21
P. 33
MinON
http://www.24ora.com/local-mainmenu-5/90880-studiantenan-internacional-cu-investigacion-
academico-aki
Studiantenan internacional cu investigacion
academico aki
Wednesday, 21 January 2015 11:43
Comparti
Ampliacion di nan horizonte intelectual y percura un mescla interesante di studiante un ambiente
investigativo internacional y multidisciplinario. Esaki ta un di e obhetivonan di un programa di
intercambio entre University College Utrecht, UCU y Universidad di Aruba, UA.
E programa di intercambio ta resultado di un acuerdo di colaboracion cu e dos institucionnan academico
a firma na 2011. E colaboracion awor ta inclui intercambio di studiantenan, pero tambe programanan
special diseña pa mehora conocemento internacional.
Y ta a base di e acuerdo aki cu un total di cinco studiante di UCU ta uni cu studiantenan di UA pa ta
exponi na un experiencia academico internacional. Un cantidad di studiantenan di UA ya caba a participa
na programanan di UCU y awor lo fungi como anfitrion pa nan coleganan internacional.
Rikkert Loosveld, Petra Zaal, Sil Scholte, Tobia de Scisciolo, Florianne Sollie, kendenan recientemente a
yega Aruba, a participa na un curso riba Caribe na UCU, e ultimo semester di 2014. E ultimo parti di e
curso tabata specialmente dirigi riba Aruba. Y nan a dicidi pa participa den un programa di investigacion
academico, cu ta rekeri pa nan keda henter un semester na Aruba, pa explora y investiga areanan y
temanan cu nan ta considera di importancia.
Por ehempel, Loosveld lo concentra riba e mangelnan na Aruba. E studiantenan di UCU lo studia medio
ambiente, historia, temanan social, incluso e sociedad multi lingual di Aruba. Nan coleganan Arubiano
Francis Malca, Giovanni Jacobs, Kimberly van Loon, Geraida Geerman, Ghislaine Nicolaas y Sharon
Meyer tambe ta cla pa sumergi nan mes den topiconan cu ta toca bida na Aruba. Tur e studiantenan di
Aruba a participa caba na e programa di intercambio na UCU y a conoce personalmente algun di e
studiantenan internacional cu awor ta na Aruba.
Segun Eric Mijts, encarga cu coordinacion pa Universidad di Aruba, "forsa di e proyecto ta sinta den e
hecho cu e ta duna tanto studiantenan di UCU como di UA, e posibilidad pa expande nan vision
academico den un ambiente multidisciplinario cu ta permiti nan expande nan abilidadnan di
investigacion, amplia nan horizonte intelectual, explora pensamento di otro y siñamento. Adicionalmente,
e ta permiti nan fortifica nan red internacional, practica comunicacion y abilidad diplomatico, como
tambe traha riba confianza propio denter di un cuadro inter disciplinario." Mijts kende ademas a duna
