Page 42 - MIN.VOS MRT 25

Aruba Table Tennis Association a tene nan
competencia di ranking Maart

· Mar 24th, 2015
· Deporte

Cada luna Aruba Table Tennis Association(ATTA) ta tene su competencia di ranking den tur categoria. Diamars 24 di
maart lo hunga den e tur e categorianan. Lo cuminsa cu e categoria beginners, U – 10 , U – 13 y U – 18, esaki pa
4.30 di atardi y despues lo sigui den oranan di anochi cu e categorianan di A y B klas, esaki lo inicia pa 7:30. E
puntuacion ta uno hopi importante pa e ranking di ATTA asina ki por mira na ki luga cada hungado den tur categoria
ta posiciona tur luna.
Mester bisa cu den e ultimo añanan e deporte di tennis di mesa a bin ta crece den un forma impresionante unda
principalmente hopi mucha a cuminsa practica e deporte aki. Den e ultimo dos añanan, ATTA a atende varios campo
di entrenamento cu nan hungadonan infantil y hubenil den Caribe. Tambe a sa na logra varios medaya den e
diferente competencianan den nos region.
Un danki sigur na Lotto, e Loteria di Aruba pa medio di Comision di Subsidio cu a subsidia e competencia di ranking
di Aruba Table Tennis Association.
Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa
organisa loteria, cambia bida di su hungadonan y na mes momento inverti den deporte local pa medio di
donacionnan na e comision di subsidio.

http://masnoticia.com/aruba-table-tennis-association-a-tene-nan-competencia-di-ranking-maart/