Page 56 - MIN.VOS MRT 25

Aureus University cu su di 7 Feria di Salud Diasabra awor
28 di Maart

Publication: Wednesday, 25 March 2015. Categoria: General
Promoviendo un comunidad mas saludable:

ORANJESTAD (AAN): Aureus University School of Medicine ta organiza su di 7 feria di
salud cu lo tuma lugar diasabra awor 28 di Maart na Wayaca 31C.
Durante di e mainta aki, 8 am – 12 pm, lo por haci un chekeo di salud pa loke ta colesterol,
diabetes, presion, vision, EKG (electrocardiograma), dentista, tur esaki combina cu hopi
informacion.
Aureus University School of Medicine ta realiza e feria aki conhuntamente cu Laboratorio
Familiar y cu ayudo di varios patrocinador. E meta di e feria di salud ta pa promove un bida
mas saludable pa Aruba.
Esnan interesa por yega diasabra awor na e campus universitario ubica na Wayaca 31C. mester
bay na yuna y ta pidi pa por fabor no come 8 ora prome cu e testnan tuna lugar. Despues di e
testnan un desayuno lo wordo sirbi gratis.
E “Healthy Fair” aki ta diasabra awor 28 di Maart di 8 am – 12 pm.
http://www.diario.aw/2015/03/aureus-university-cu-su-di-7-feria-di-salud-diasabra-awor-28-di-
maart/