Page 15 - AWEMAINTA

AWEMainta Diamars, 4 Juli 2017 15

Minister Yrausquin a pone krans na conmemoracion

Nacional di e Abolicion di Esclavitud

DEN HAAG – Na Oosterpark Amsterdam
a tuma lugar riba 1 di juli e conmemoracion
nacional di e Abolicion di Esclavitud dor di
Hulanda na 1863 den e colonianan Surnam
y Antianan Hulandes; e aña aki 154 aña
pasa. Minister Plenipotenciario Juan David
Yrausquin a pone un krans den nomber di
Gobierno y pueblo di Aruba.
Tabatin discursonan di Minister di Husticia
y Seguridad di Hulanda Stef Blok, wethouder
di Amsterdam Simone Kukenheim y Antoin
Duel, presidente di NiNsee cu ta e instituto
cu ta organisa e conmemoracion.
Despues di e discursonan tabatin 1 minuut
di silencio sigui pa e parti di ponemento di
krans na e “Slavernijmonument”. Banda di
Minister Yrausquin, tambe presidente di Eer-
ste Kamer Ankie Broekers-Knol y presidente
di Tweede Kamer Khadija Arib, Minister
Blok, Minister Plenipotenciario di Corsou
Anthony Begina y Consul General di Surnam
Roy Lieuw A Sie a pone un krans.
E conmemoracion aki a inicia na 2002 cu
desvelo di e “Slavernijmonument” cu ta un
obra di e escultor Erwin de Vries. Potretnan
ta cortesia di e fotografo Nico van der Ven.