Page 29 - MIN TTC 30 NOV 2015

PAGINA 30 DIARIO DIALUNA 30 NOVEMBER 2015

Polis a duna

un man na un

famia cu ta

bibando awor

den un auto

ORANJESTAD (AAN);
Patruya atento durante nan
ta riba nan ruta di vigilancia
diabierna marduga, den
careda di 3:05’or, a wak
un auto staciona na forma
sospechoso riba e lugar di
stacionamento situa tras di
edificio di Arubus.

Patruya a acerca e vehiculo
y nan a constata cu den dje tin
cuater persona drumi. Control
haci pa e agentenan a sali
na claridad cu ta trata di un
situacion precario cu e famia
ta pasando den dje.

Polis a papia prome cu e
homber drumi tras di stuur, y
na prome instancia el a conta
di ta confronta problema cu
e auto y nan ta wardando pa
pone awa den radiator pa
asina nan por sigui bay cas.

Polis a haya e version poco
raro y debi cu den e auto tin
sinta un mucha di 9 aña y den
e vehiculo polis a observa cu
a auto ta “worde usa como
cas”.

E agentenan a sigui puntra
pa saca afor kico enberdad ta e
problema y finalmente polis a
worde informe di e problema
real cu a famia ta pasando den
dje.

A pone polis na altura cu
nan no tin dak riba nan cabez,
pues no tin lugar pa biba.

Na prome instancia nan no
kier a conta of bisa nada debi
nan ta tin miedo pa medionan
di communication (prensa)
y comunidad haya sa pa
berguenza.

Esey no ta excusa, y patruya
a dicidi mesora pa bay hunto
cu e famia Warda di Polis
Oranjestad y nan a busca
contacto cu Slachtoffer Hulp.

Aki señora Janine di
Slachtoffer Hulp a presenta
na Warda y sigui atende e
caso. Un rato despues pa
medio di e representante di
Slachtoffer hulp, contacto a
worde tuma cu Cruz Cora y
a logra temporalmente a haya
lugar pa e famia por hospeda
na “Rode Kruis”.