Page 44 - ARUBA BANK

Oduber: Financiadornan Green

Corridor ta menasa di termina relacion

Posted on 01/17/2018 4:54 pm AST | Updated on 01/17/2018 4:57 pm AST

ORANJESTAD - Financiadornan di e proyecto Green Corridor ta menasa di termina
relacion CIC. Asina minister di infrastructura ta bisa pa medio di un comunicado. Por
medio di un carta, e financiadornan (lenders) ta informa di e situacion cu e proyecto
'Green Corridor' ta aden. Den e carta ta accentua e riesgo y posibilidad cu e
financiadornan lo termina e acuerdo cu tin y demanda pago di suma pendiente.

Minister di Infrastructura y Medio Ambiente Otmar Oduber: “Banco no por duna nos
como Pais Aruba ningun deadline, sinembargo como financiador ta duna deadline na
esun cu e tin contracto cu ne den e caso aki cu CIC, cual ta e compania cu Odinsa a pone
aki na Aruba. Nan tin te cu awe 18 di januari pa bisa esnan cu a duna e prestamo si ta bay
tin un proceso di recovery si of no. Y si tin un proceso di recovery, nan ta duna un luna di
tempo te cu 14 di februari pa por yega na un acuerdo cu Pais Aruba. Sino nan lo exigi for
di Odinsa pa paganan tur nan suma di placa, cual ta locual cu a fia Odinsa y kisas inclui e
placa di ganashi cu ya nan no ta bay haya pa e proximo 17 añanan. Pues por imagina cu e
paso logico siguiente lo ta cu Odinsa lo bin tras di Aruba si nos no sinta na mesa cu nan y
negocia.”

Odinsa no por bay cu e brug y/of e camindanan y pues nan lo cobra Pais Aruba pa
producto inferior y cu nos no sa kico e consecuencianan lo ta pa e proximo 17 añanan.