Page 11 - ARUBA BANK
P. 11
ORANJESTAD (AAN): Dia 31 di Mei tabata deadline pa clientenan cu tin cu raporta
nan declaracion di impuesto pa Winstbelasting y tambe haci pagonan corespondiente.
Segun directora di Departamento di Impuesto, Louenne Pieters, tabata tin algun siman
pasa, caminda cu nan a manda notifica clientenan cu no ta tur cliente a pasa busca nan
aangifte winstbelasting.
A manda tambe informa clientenan cu tur e paketenan a bay postkantoor pa asina parti
nan, mirando cu for di luna di April caba tabata tin tur e aangiftenan aki cla pa
clientenan busca nan
A haya hopi reclamo den pasado cu e aangiftenan no tabata yega nan destinacion,
caminda cu clientenan ta bisa cu e aangifte winstbelasting no a yega na e adres
corecto. A haci algun cambio caminda cu ta laga e clientenan bin busca nan pakete y
tambe esnan cu ta duna servicio pa por yena aangifte manera cu conoce, e
advieskantoren, y tambe administratiekantoren. Por ehempel KPMG, Pricewaterhouse.
Tin tur e otro oficinanan di administracion cu ta duna e servicio pa yena e aangifte pa
clientenan y yena e jaarrekening.
Tabata tin bon comentario di e advieskantoren. E ta hopi mas facil pasobra ta un one
stop shop. Nan no mester yama tur nan clientenan pa bin entrega nan aangifte cerca
nan pa despues traha riba dje. Imagina si tin 300 cliente, tin cu schrijf nan tur aan. E
sistema ta traha, per na dado momento como Departmento di Impuesto no por keda cu
e aangifte nan tampoco den nan warehouse. Nan mester por reik nan uit. Mester por
yega nan destinacion pa asina e clientenan por haya e documento necesario pa por
entrega nan na tempo.
No ta asina cu Departamento di Impuesto ta keda cu e aangiftenan te delaster dia, pero
a manda nan caba cu postkantoor. Si clientenan no a haya nan declaracion di impuesto
pa winstbelasting, nan mester acudi na Postkantoor of warda esakinan yega na e adres
corecto. Si e adres no ta corecto, ta haci un apelacion pa bin na oficina di
Departamento di Impuesto na Camacuri pa haci cambio den adres pa asina por tin
esaki corecto y tur documento cu ta oficial di Departmento di Impuesto por yega na nan
destinacion corecto.
