Page 58 - ARUBA BANK
P. 58
Representante nobo di Aruba den CAFT
ta bira un persona femenino
Posted on 06/4/2018 12:06 pm AST | Updated on 06/4/2018 12:07 pm AST
ORANJESTAD – Gobierno lo reemplaza e representante di Aruba den e colegio di
supervision financiero cu un persona femenino na luna di juli proximo. Cu e
informacion aki, ta confirma e noticia cu NoticiaCla a trece como primicia luna pasa
caba. Segun minister di finanza Xiomara Ruiz Maduro awe mainta na NoticiaCla,
Conseho di minister di Reino posiblemente e siman aki lo trata e nombramento di e
persona aki y aprob'e.
CAMBIO
Manera cu e portal aki a raporta anteriormente, gobierno a opta pa cambia representante
di Aruba den CAFT. Prome minister di Aruba Evelyn Wever a confirma esaki pa
NoticiaCla, pero no a bisa ken lo bira e representante nobo. E ley di LAFT ta permiti
gobierno di Aruba pa cambia e miembro di Aruba. “Den e proximo simannan nos mester
ta cla cu esey” Wever a bisa. “Ta momento cu bo por cambiele, y nos ta haci uso di e
momento ey. Ta ora pa cambi’e segun e ley” Wever a bisa. Ta sea bo ta prolonga e
persona of bo ta reemplase, y segun Wever a opta pa reemplase.
