Page 24 - 02sep24

PAGINA 24 DIARIO DIALUNA 2 SEPTEMBER 2024
Marriott Aruba a treat periodistanan
cu brunch riba Dia di Prensa

ORANJESTAD (AAN): Pa e bon cooperacion cu nan ta ricibi
semper di prensa, gerencia di Marriott Aruba Resort & Casino
a ofrece periodistanan un brunch special riba Diadomingo den
nan comedor di Mercát.
Aki prensa a wordo ricibi door di gerente general Raoul
Lemmerling y tambe gerente di mercadeo Noemi Tromp. E
tabata un mainta pa merdia hopi agradabel unda prensa a haya
chens di combersa na un forma social cu otro.
Prensa a haya chens tambe di conoce e manager nobo di
Mercát, esta Alexander Myer, como tambe e Chef nobo di
Mercát, esta Cristiano Guidetti y chef Rafael Hernandez.
E ambiente di Brunch den Mercát ta inclui un Live DJ cu
ta trece un ambiente festivo den e lugar, mientras cu publico
ta goza di variedad di cuminda, incluyendo Picanha, shrimp,
salmao, y delicioso pastechi di Aruba! Como postre, DIARIO
a keda encanta cu e station di cannoli, y a nota cu varios pe-
riodista a keda bishita e station ey. Dilanti bo, nan ta yena e
cannoli cu e reyeno cu bo ta desea.
Waiternan a presta fenomenal servicio cu Mercát ya ta fa-
moso pe. Un palabra di danki na gerencia di Marriott Aruba
Resort & Casino pa e bunita treat riba Dia di Prensa.