Page 45 - ARUBA BANK

Pero den e mundo di television, semper el a keda Tele Aruba. Pero nunca el a
bay den radiodifusion ya cu su trabao na corant y television ta hopi pisa.

E ta sigui bisa cu tempo cu el a cuminsa, no tabata tin grabacion ainda. E
periodistanan tabata uza Polaroid pa noticia y despues tabata tin un parti di

film, pero na aña 1977 pa 1979 cu a graba na color. Esey ta despues cu Tele
Aruba a cuminsa graba na color.

Loke Sr. Vrolijk ta haya jammer cu no tin union den prensa. El a cuminsa cu su

exposicion Lens di mi Wowo, door cu e ta wak hopi mucha jong ta sacando
potret y nunca tin e sabor pa traha ariba un expo di potret. Ta dificil pa tur aña
pa tin tur hende uni. E prome aña di e expo, na cierto momento na momento di

e apertura, tabata tin hopi hende a presencia e apertura.

Dia di Prensa ta wordo celebra den ex- Antiyas, cu tabata conta cu participacion
di Press Club Curacao. Tabata tin un codigo di prensa tambe, aunke masha poco

hende tabata uz’e ya cu e tabata tin su puntonan. Awendia Dia di Prensa ta
wordo celebra en grande na Corsou.

Awendia e Lens di mi Wowonan ta unico actividad cu ta wordo organisa
oficialmente pa celebracion. Antes tabata tin celebracion na cantidad ariba Dia

di Prensa. Tabata tin lezing tabata tuma luga cu prensa internacional. Pero
awendia no tin nada di esey mas.

Tin hopi periodista a siña for di Sr. Victor “Toko” Winklaar y cu awendia ta

profesionalnan den e ramo di periodismo, segun Sr. Leo Vrolijk.

Por ultimo Sr. Vrolijk ta invita e pueblo di Aruba en general pa su exposicion
Lens di mi Wowo cu lo ta te dia 14 di September na Biblioteca Nacional, cual ta
consisti di mas o menos 300 potret den e exposicion, celebrando 10 aña di e

exposicion Lens di mi Wowo.