Page 16 - BNDIA ARUBA

A16 HENDE
Diahuebs 15 Maart 2018

Museo Historico a participa na Aruba Doet

ORANJESTAD - E aña aki Museo Historico Aruba a bolbe participa cu Aruba Doet.
E proyecto pa embeyece e hofi a tuma luga siman pasa diabierna y diasabra. Riba
ambos dia e museo a haya ayudo di boluntarionan cu a haci e proyecto aki uno exi-
toso. Esaki ta segun e relato cu nos a ricibi.

Ariba e prome dia a haya ayudo di e grupo di Divi Impact di Divi Resorts cu tabata consisti di
31 persona cu a percura pa e banda zuid a haya un limpiesa completo. Tur e yerba a wordo kita
y e piedranan a wordo nivela pa asina e bishitantenan por disfruta di un paisahe bunita ora di
yega Fort Zoutman. Tambe nan a asisti na e otro banda di e Fort via di cuminsa kita piedra pa
prepara e plantacion di e dia siguiente.

Diasabra e grupo di 15 boluntario di Guardian Group a bin duna un man pa haci e hofi un
realidad. Na e banda panort a reparti e piedranan, chapi, a traha un caminda chikito pa por cana
den e hofi y tambe a planta varios mata, entre otro, seida, malohi, yerbe hole, aloe, tuna Spaño
y breba. Esaki ta forma e comienso pa e hofi di Museo Historico cual tin como meta pa educa
nos bishitantenan ariba e importancia historico di diferente mata.

‘E team di Museo Historico Aruba kier a gradici tur e boluntarionan cu a tuma nan tempo y a
haci un gran esfuerso pa por a yuda nos ariba e dos dianan aki’.