Page 7 - MIN.ECUE - 27MARCH2017
P. 7
12 AWEMainta Dialuna, 27 Maart 2017
Awo kier hiba plan di Arte Publico Oranjestad
Gobierno ta kita
oportunidad pa San
Nicolas desaroya su
mes den atraccion
cultural turistico
Segun Otmar Oduber
E proyecto di San Nicolas tin henter un master
plan cual a wordo aproba pa henter e Gabinete y a
wordo traha dor di Aruba Investment Bank (AIB).
“Despues cu mi persona y Minister Mike de Meza
e tempo ey riba mi invitacion a bay New Orleans
cu un grupo grandi di empresario y banconan in-
cluyendo AIB.
No ta solamente AIB a prepara un plan, pero
Aruba Tourism Authority (ATA) tambe como un
di e stakeholders a inverti un suma cuantioso pa
por haci di San Nicolas un atraccion/actividad
economico nobo pa pais Aruba”, Otmar Oduber
di POR a bisa.
“Pa loke esaki ta encera, pa prome biaha lo a pro-
paganda San Nicolas na un forma masal via e struc-
turanan di ATA p’asina por crea fluho di turistanan
cu awe mas cu 80% ta keda pabou di nos isla y no ta
bay pariba si no ta pa bay Baby Beach of Charlie’s
Bar cu ta sumamente atractivo y algun otro atrac-
cion. Basta miyon a wordo inverti y basta stake-
holder tabata envolvi. Museonan a wordo crea den
Watertoren cu ayudo di expertonan internacional
di Hulanda. Aworaki Nicolaas Store ta bay bira e di
dos cu ta wordo crea na San Nicolas; Cosecha, in-
frastructuralmente y monumentalmente diferente
renobacion a tuma luga tambe, lamentablemente
esaki a wordo para”, Oduber ta splica.
Gobierno ta boycotia San Nicolas
“Si mira e ultimo decision di Gobierno cu tabata
luna pasa, henter e intencion di e Art Fair den
centro di ciudad na Playa. Caminda cu ta haya e
mesun intencion di San Nicolas cu artistanan inter-
nacional y cu henter e plan cu tabata den ehecucion
na San Nicolas.
Awo Gobierno kier boycotia San Nicolas un biaha
mas y hibe centro di ciudad na play, obstaculisando
asina e oportunidad cu tabatin pa un desaroyo nobo
na San Nicolas”, Otmar Oduber a conlcui.
