Page 22 - ATA

Adi Saladin: E klem ta respet y mester bin bek

Thursday, 11 May 2017 21:37
Comparti

Adi Saladin ta hopi aña na waf chikito. El a splica cu di dia cu prome minister a kita klem y tin
un sorto di rumor cu no mester paga nan, claramente bo ta mira cu e vehiculonan A

, ora a scucha e noticia aki, nan ta parkeer, pasobra segun nan, no por klemnan. Ora cu a papia
cu un di e trahadonan di Aruparking, a splica cu nan no por haci nada, pasobra nan a haya ordo
cu no por klem mas.

Loke ta pasa ta cu banda p’ariba, den caya grandi, nan ta yora malai for di añanan largo, pero e
ta comprendibel. Con nan situacion ta, si ta preta, no ta sigur segun Saladin. Pero nan parti
pabao, nan tambe ta comerciante. Nan tin hopi aña na waf chikito. Awo a para bira cu nan a
kita klem, e hendenan ta bin y ora bo paga tino, pa ora yega 9’or di mainta, ya mas di mita
parking ta cu A. Kiermen cu ora e tiki turista cu ta bin di e hotelnan, cu nan ta haya, esta e
retaso, cu Danki Dios nan ta haya un tiki, ora nan bin, nan mes ta ripara, door cu e parking ta
yen cu A-wagen, e turista no ta haya un luga pa parkeer. Nan ta coy nan caminda y core bay
hotel bek. Nan tur eybao, Royal Plaza, Waf, tur e negoshinan cu tin ainda na waf, tur ta wordo
perhudica. E ta un desgracia pa nan cu di berdad, den opinion di Saladin, di e liña di Paddock,
bin p’abao, rond full eytras, e ta haya cu nan mester keda cu e mesun sistema di antes.

Awo cu klem ta caro, wel pone na mita prijs. Si e ta 75 florin, pon’e na 40 florin of 35 florin.
Pero no kit’e, pasobra e klem ta respet.

Si bo no paga, bo no cumpli, e ta conta pa local y stranhero, bo ta wordo geklem.

Un otro pregunta ta, cu nan a kita klem, pero cua ta e entrada di Aruparking. Saladin ta pensa
cu esaki ta un palo pa nan, pasobra nan no ta hayando e entrada cu nan tabata tin di comienso
cu nan a cuminsa pa awor aki. Saladin ta sigur.

E comerciantenan na waf chikito no ta biba so di turista crucero. Si ta pa crucero so, e ora nan
ta cera seis luna largo, pasobra ta seis luna largo nan tin e temporada di crucero, manera nan
ta yama High Season. Si depende di crucero so, e ora den siman por lo menos 3 pa 4 dia nan ta
cera. Awo pio cu e low season. E luna aki, si mira e lista di cruceronan ta drentando, tin 20 dia
sin un crucero. Loke ta pasa, e 10 dianan ey, mester wak con nan ta sobrevivi e resto di 20 dia,
wak pa e tiki turista cu ta bin di pabao. Nan ta yega, pero si nan no haya un luga pa parkeer,