Page 3 - AHATA

Dialuna, 26 Februari 2024 AWEMainta LOCAL 9

Aruba Marriott ta celebra e aniversario di su asociadonan

Y alabes ta nombra su asociadonan y lidernan cu a destaca durante e di cuater kwartaal di 2023

E compleho di Aruba Marriott recientemente a nombra
su asociadonan y lidernan cu a briya durante e di cuater
kwartaal di 2023. E programa di reconocemento aki ta uno
sumamente importante pa e compania como un acto di

aprecio, den reconoce e esfuerso adicional, alabes celebra
e logronan di cada asociado y lider cu a destaca durante e
periodo di cada kwartaal.

E asociadonan y lidernan nomina a wordo scogi door di nan
supervisor, manager, y e team ehecutivo pa nan excelente
trabou y dedicacion. E premionan cu a wordo otorga ta
‘Associate of the Quarter’, ‘Supervisor of the Quarter’ y

‘Manager of the Quarter’ representando e diferente areanan
di ‘Front of the House’, ‘Back of the House’ y ‘General’.

Ganadornan di e di Cuater Kwartaal di 2023:

○ Rose-Ann Franken
○ Laura Villafane
○ Jose Perez Perez
○ Aldrick Hill

○ Udermi Fernandez Polanco
○ Supervisor Resort Winner: Mirella Wernet
○ Supervisor MVW Winner: Elpidia Lopez
○ Manager Resort Winner: Nathan Jansen

○ Manager MVW Winner: Andrew Rasmijn

General Manager di e compleho di Aruba Marriott, Sr. Raoul
Lemmerling, hunto cu e team ehecutivo y staf di Aruba

Marriott ta orguyoso di tur e nominadonan y ganadonan
y ta manda palabra di felicitacion pa cada un di nan cu e
logro bunita aki.

Adicionalmente di a celebra e nominadonan di e kwartaal,
Aruba Marriott a honra y celebra lealdad di su asociadonan
caminda a conmemora e aniversario di nos asociadonan cu
a cumpli 5, 10, 15, 20 y 25 aña di servicio cu nos compania

den e di cuater kwartaal di aña.

Pa esnan interesa pa cuminsa nan carera na Aruba Marriott,
por bishita www.marriott.com/careers pa aplica.

Aruba Marriott Resort & Stellaris Casino a habri su portanan
na aña 1995 cu 411 camber y a añadi 3 camber na 2018.
Na aña 1999 a habri Marriott’s Aruba Ocean Club cu 311

camber y na aña 2004 a habri Marriott’s Aruba Surfclub cu
900 camber. Na tur, e famia di Marriott Aruba ta consisti
di mas o menos 1,300 empleado den servicio directo. E
compleho di Marriott Aruba ta esun di mas grandi den

henter Caribe, tanto den cantidad di camber como den
cantidad di empleado.