Page 18 - Min.On March 5, 2015

E siguiente programa di “Educational Leadership for
Collaboration” a cuminsa

W ednesday, 04 M arch 2015 18:57
Comparti

No mucho dia pasa Minister Michelle Hooyboer-Winklaar a presencia e ceremonia di entrega di certificado di e programa
“Educational leadership for collaboration” cu Universidad di Aruba a ofrece na un grupo di lidernan den nos sistema
educacional.
Un programa cu ta ser haci posibel door di Universidad di Aruba conhuntamente cu Ministerio di Enseñansa y cu
sosten di fondonan di Union Europeo. Menos cu un siman despues cu masha hopi orguyo Minister Michelle Hooyboer–
Winklaar ta yama bon bini na e di dos grupo di 27 profesional cu ta bay dedica, banda di nan trabao diario, e esfuerso pa
siña diferente elemento esencial di e trabao diario di lidernan den enseñansa, incluyendo con pa encurasha docentenan y
studiantenan pa traha efectivo y logra mas y colaboracion pa eleva e scol na e siguiente nivel. E programa y e diferente
seminarionan ta inclui “Leadership for Collaboration: Navigating towards the Vision of Education”, “The psychology o
leadership in a complex and dynamic educational environment”; “Embodying the new story of leadership fo
collaboration in theory and practice” y “Sustaining a community of practice to create solutions collaboratively”. Diferente
facilitador internacional lo ofrece e curso na di Universidad di Aruba, manera entre otro Janet Sanders di Jean Houston
Foundation, Robertson Work di New York University Graduate School of Public Service, Doug Banner cu ta director d
Flow Project y instructor na Western Washington University y Skye Burn, director ehecutivo di Flow Project y experto den
e ramo di liderazgo y ta tailor made pa Aruba. A base di evaluacion di e prome programa a adapta e programa y awor
grupo nobo di lidernan den nos enseñansa lo sigui cu e di dos fase. “ Creando oportunidadnan pa programanan manera
Educational Leadership for Collaboration, nos ta un paso mas cerca di nos metanan pa loke ta innovacion, desaroyo y
progreso duradero den nos enseñansa”, asina Minister Michelle Hooyboer-Winklaar a subraya. Lo sigui enfatisa riba e
importancia di Lifelong Learning pa sigui ofrece mas curso cu programanan adapta na nan curriculum y capacidad
pa sigui mehora educacion cu ta e base di un pais.

http://www.24ora.com/local-mainmenu-5/92509-e-siguientenprograma-di-educational-leadership-for-
collaboration-a-cuminsa

Minister Hooyboer-Winklaar ta introduci directiva nobo di
Colegio EPI