Page 107 - MIN JUS

Keho ta hopi riba Dumpnan ilegal y proceso pa sanea Dump
di Parkietenbos ta canando rapidamente

Tuesday, 04 July 2017 21:46
1

Comparti

A tuma nota cu mayoria di Dump Illegal ta yenamento di buraconan unda tur tempo a traha placa
cobando santo pa bende. Minister Mike de Meza a splica cu tin manera otro pa por yena buraco.

Mescos cu a saca tera y b'a saca probecho comercial for di dje, bo mester tin e responsabilidad tambe pa
cana e caminda cu tin cu cana pa sanea e situacion ey. No mester ta asina sinberguensa cu e pais cu ta uze
comercialmente y ta lage benta un banda caminda e ta bira un dump y tin di nan ta saca probecho
comercial hasta door di crea e dump eynan. E ora ta ki amor bo tin pa bo pais.

Kehonan ta hopi segun e minister.

Proceso di dump
Pa loke ta saneamento di dump, Minister Mike de Meza a splica cu esaki ta tumando su tempo. E ta
canando. Tin un comision cu ta trahando riba e opcionnan, posibilidadnan y tin reunionnan ta tumando
luga cu Serlimar y demas stakeholder y ta canando riba un speed acelera.

Muy pronto mester tin algun conclusion pa e prome fase cu por bay over na ehecuta esaki. Ta cuminsa
sanea Parkietenbos.

Unda e luga lo bay ta

E luga nobo pa e dump, segun e minister, probablemente lo ta den e area di Barcadera mes. E operacion
lo ta completamente diferente. E no ta bay ta un landfill manera cu nos a conoce na Parkietenbos. E ta
bay ta hasta den e prome fase aki un operacion completamente diferente caminda cu ta bay reduci e
desperdicio di inmediato ora cu esaki drenta via incineracion, cual ta un di e escogencianan cual na fin di
dia lo wordo haci. Ta bay tin un parti di e operacion cu lo tuma luga na Parkietenbos pa sanea e luga.
Durante saneamento lo bay tin hopi trabao eynan, pero na un manera responsabel lo bay percura cu
banda di lama lo wordo kita tambe y tambe banda di e mangelnan, cu ta kita tur e sushi eynan ordena y
keda sanie, cu actividadnan eynan lo keda baha. E luga nobo, lo ta bay ta den full operacion pa Serlimar y
caminda cu ta bay tin operacionnan diferente. Esey nan ta druk bezig cun'e y pronto lo duna informacion
riba esey.

Con hopi lo dura

E mandatario a splica cu lo bay dura algun luna prome cu esaki lo keda cla. Tin e parti a corto plazo cu no
por dura mucho largo. Pasobra e situacion cu tina Parkietenbos ta uno iresponsabel pa e sigui opera
asina, pa e trahadonan mes cu ta traha eynan y tambe pa e vecindario. A medio y largo plazo lo bay tin un
plan total cu tambe lo traha riba dje y esey lo dura un aña prome cu tur cos ta cla. E lo ta un operacion