Page 114 - MIN JUS
P. 114
Ministerio Publico a haci un bunita gesto na KIA
Tuesday, 04 July 2017 18:28
1
Comparti
Ministerio Publico Aruba, den cooperacion cu Terry Gumbs, coordinado di Educacion y Formacion pa
detenidonan na KIA, a entrega un gesto di gran nificacion pa Korektie Instituut Aruba (KIA). No ta un
secreto cu Ministerio Publico y KIA ta coopera cu otro, awor tambe den forma simbolico.
KIA a keda masha contento cu Procurador General, mr. Alexander van Dam, cu a percura pa entrega 34
computer den bon condicion den forma di donacion, cu a facilita diferente departamento den KIA. E
departamento di Werkplaats a ricibi algun computer pa nan trabounan administrativo. Den e Biblioteca a
instala algun computer pa uzo di detenidonan. Pronto lo introduci un sala di computer pa sigui cu otro
cursonan pa detenidonan. Banda di computer, KIA a ricibi stoelnan y mesanan tambe cu sigur lo haci
bon uzo di dje. Di parti directiva di KIA ta extende un palabra di gradicimento na Ministerio Publico pa e
bunita gesto. Esaki ta facilita e servicionan brinda na desaroyo di detenido, den preparacion pa integra
bek den comunidad.
