Page 53 - MIN JUS

AWEMainta Diaranson, 5 Juli 2017 5

Docente Suki Croes

ta gana caso contra

Gobierno

DIALUNA ultimo, a trata e caso di Sugail “Suki” Croes, den cual Corte
a haya cu no tin suficiente motibo pa pone e docente bou guia profesional.
Esaki ta relaciona cu e forma con e docente a trata un alumno y su tata.
E docente a entama un caso den Corte contra Minister di Enseñansa, Mi-
chelle Hooyboer.

E caso ta encera cu dia 20 di maart 2015, e director di Dienst Publieke
Scholen a scoge pa suspende Suki Croes pa cinco dia. Despues a kit’e di
su funcion como docente na Scol Primario Kudawecha p’e resto di e aña
escolar, pero manteniendo un otro funcion te ora aña escolar caba.
Ademas, a obliga e docente pa sigui ricibi guia profesional pa su comporta-
cion basa riba investigacion haci pa comision di expertonan.

E docente a apela contra e decision aki desde 17 di april 2015. Corte a
haya cu e conclusion di e investigacion a laga di desea, notando cu Suki
Croes no tin un historia di problema structural di comportacion y a basa
nan conclusion solamente rib’e caso specifico aki di e alumno y su tata.
Corte a bay na fabor di Suki Croes dialuna ultimo y ta obliga Gobierno
paga gastonan di Corte balora na 2 mil florin.