Page 14 - AweMainta
P. 14
14 AWEMainta Diamars, 8 September 2015
InselAir un biaha mas ta coopera
cu Centro di Bario Noord
durante bingo
Johanes Henricus ta
e felis ganador di un
biahe ida y vuelta
pa Puerto Rico
RECIENTEMENTE a tuma lugar entrega di e voucher
pa dos tickets ida y vuelta pa Puerto Rico cu Inselair a
aporta p’e bingo di Centro di Bario Noord (CBN) cu a
tuma lugar den juni ultimo.
E felis ganador di e premio ta sr. Johanes Henricus.
CBN ta hopi contento di por a entrega e ticket n’e felis
ganador cu dentro di poco lo ta viahando pa Puerto Rico.
CBN ta yama un biaha mas danki na Inselair cu a re-
aciona mesora rib’e peticion di CBN pa un contribu-
cion/sponsor pa nos actividad pa recauda fondo pa nos
proyecto di lus p’e veld di baseball.
Rib’e prome potret por mira entrega di e voucher dor di
un representante di Inselair n’e secretario di Directiva
di CBN Anna Maria Giel. Rib’e di dos potret por mira
entrega di e voucher n’e felis ganador dor di Presidente
di CBN Shailiny Tromp-Lee y Anna Maria Giel.
CBN ta druk bezig pa logra realisa e proyecto di Lus y
ta spera cu pa fin di november proximo e lusnan lo ta
na laira atrobe y nos teamnan por sigui usa e veld op-
timalmente.
Esaki a bira posibel dor di yudansa di e famia grandi di
CBN y tur instancia y compania cu a aporta grandemente
n’e proyecto aki.
