Page 20 - HOH

Djarason 10 Febrüari 2016 3

DAMA A
BAI HASI
NESESIDAT I
HAÑA BALA
NA PIA

WILLEMSTAD.- Djasabra
6 di febrüari 2016, alrededor
di 5’or di mardugá,
Sentral di Polis a dirigí un
unidat polisial na Poli di
SEHOS, despues di a risibí
informashon ku un dama a
yega poli ku herida di bala
na pia.

For di un investigashon
preliminar ku polis a realisá
na Poli e dama, víktima a
deklará ku e tabata koriendo
na altura di Veeris na dado
momentu el a para pa hasi
un nesesidat i baha for di su
outo.

Na e momentu ei el a
tende manera un par di
hende ta pleita i tambe el a
tende zonido di tiru.

E dama a drenta su outo
bek pa bai for di e sitio i a
ripara ku su winshil tabata
perforá.

Tambe e la sinti doló na
su pia i nota ku esaki tabata
sangrando. Mes ora e dama
a kore bai Poli. Despues di
tratamentu e dama a keda
interná de St. Elisabeth
Hospital.

Polis a konfiská e outo pa
mas investigashon.

E investigashon den e
kaso ta kontinuá.