Page 8 - AB

PAGINA 16 DIARIO DIALUNA 22 JULI 2024
Accident ora turista a primi

brake riba rotonde

ORANJESTAD (AAN): Tabata Diasabra den oranan di mar-
duga, cu unidad di Polis a bin topa cu un accident riba Aveni-
da Nelson Oduber, net banda di Super Food.
Un sedan V-auto color shinishi maneha pa un turista, ines-
pera a primi brake riba e rotonde net ora cu el a subi esaki.
Consecuencia di esey ta cu un motorcycle a bin dal den e
banda drechi patras di e Ford Figo. Debi na e impacto, e mo-
tociclista a keda herida. Polisnan mesora a pidi pa presencia
di Ambulans, y a core actua pa cera e rotonde.
Ambulans a yega y Paramediconan a duna e motociclista
trato pa golpinan ricibi na su curpa y tambe braza, y despues
a bay cune pa Servicio di Emergencia na Hospital pa mihor
checkup. Ningun persona den e V-auto a resulta herida.

ORANJESTAD (AAN): Gerencia sigur tin di bay tuma me-
dida severo y mehora seguridad na nan propiedad. Recien
por a lesa riba social media, cu diferente empleado no ta keda
traha hopi eynan debi na pago pesimo. Pesey e Lowrise Hotel
aki casi no por haya hende pa ni bay traha na Front Desk.
Ta pensa cu e cantidad di personal di Security tambe ta
hopi pober, y consecuencia di esey ta cu turistanan ta kehando
di casonan di ladronicia cometi den nan cambernan. Hopi
camber tin sliding-door cu ta facil pa habri for di pafo. Na
diferente ocasion caba, Polisnan a haya nan ta acudi ultimo
simannan na e mesun Lowrise Hotel aki. Ban spera cu ATA
y AHATA tuma nota, pasobra si acaso no haci inversion y re-
forza security, e cantidad di ladronicianan lo bay sigui subi.
Certamen di Miss Teen Aruba

International cumpliendo

15 aña di existencia

ORANJESTAD (AAN): Recientemente den
Renaissance Convention Center, durante e certamen
di Miss Teen Aruba International 2024, e anuncio
a wordo haci cu esaki ta e di diescinco edicion di e
certamen.
Esey nifica, cu e evento aki organiza door di
GLW Foundation a cumpli 15 aña. Special pa esey,
diferente ex-Miss Teen di ultimo decada y mey, a
presenta riba escenario pa saluda publico. Despues
hunto cu e candidatanan actual, e dinamico George
Winterdaal a subi escenario cu un bolo.
A toca honor na Emily-anne Andrews, kende ta
Miss Teen Aruba International 2023, pa asina cende
e belanan pa asina hunto a canta Happy Birthday.
Winterdaal a indica cu esaki ta sigui duna nan mas
animo pa sigui traha pa e mundo local di beyeza.