Page 9 - ARUBA BANK - MAY 19, 2015
P. 9
Mas banco Hulandes ta blokiando carchinan di
banco
AMSTERDAM, WILLEMSTAD, Corsou – Adicionalmente na ING Bank y ABN Amro,
Rabobank tambe a blokia carchinan di banco di nan clientenan na Corsou despues di a
sufri di skimming. Esaki ta di acuerdo cu William Teuben di e Asociacion di Bankeronan
di Corsou (CBA)
El a confirma cu consumidornan di e multiple localidadnan di ATM riba e isla, ta wordo
geskimmed. E cantidad exacto ainda tin cu wordo determina di acuerdo cu Teuben. E
ta spera cu e ola di casonan di skimming, lo ta e ultimio atake grandi. Na October, tur
banco mester a reemplaza e strip magnetico riba e carchi di banco cu un chip. E chip
no ta facil pa copia.
Di acuerdo cu Teuben, e introduccion di e asina yama EMV chip na Corsou, ta na ora.
“Tur banco ta cla of ta casi cla,” Teuben a bisa. Maduro & Curiel’s Bank a introduci e
chip na 2010. Otro banconan a completa e fase di implementacion, incluyendo Banco di
Caribe, SFT y Orco Bank.
E prome casonan di skimming na Corsou a wordo reporta na 2006. Consumidornan por
preveni tal miseria door di sconde nan pin. Tambe ta importante pa tene bista riba e
carchi di banco. Si e carchi haya un chip, e por wordo usa solamente na localidadnan
cu ta acepta carchinan cu chip.
http://masnoticia.com/mas-banco-hulandes-ta-blokiando-carchinan-di-banco/
