Page 21 - AM221201

Diahuebs, 1 December 2022
Ultimo les di docente Ramon Todd Dandaré
AWEMainta Comunidad
iasabra 26 di november ultimo Fundacion Cor-
D ector di Papiamento (FCP) tabatin e honor di
por tabata e ultimo grupo cu a ricibi les di e linguis-
ta y docente di Spaño y Papiamento Sr. Ramon Todd
Dandaré Mag. Ling. Manera custumber esaki a tuma
luga na Biblioteca Nacional Aruba y FCP ta gradici
BNA pa e cooperacion di semper. Ramon a cumpli e
bunita edad di 80 aña e aña aki y tin 53 aña ta duna
les. Pa motibo cu e tin e deseo di duna prioridad na
e otro trabounan cu e tin riba su lista, el a tuma e
decision di bay enfoca di awo en adelante riba, por
ehempel, trabou di traduccion literario. Ramon ta
keda habri pa duna sosten unda cu tin mester, pero
lo exclui dunamento di les na grupo.
Fundacion Corector di Papiamento a lanta despues
cu na 2002 un grupo di empleado publico a caba
e curso di Corector di Papiamento na nivel profe-
sional superior. E grupo a mira e necesidad di lanta
un fundacion cu tin como meta promove bon uzo di
Papiamento door di, entre otro, organisa diferente
actividad relaciona cu nos idioma nacional. Awo
un meta nobo di e fundacion ta pa organisa curso
di capacitacion y recapacitacion den Papiamento.
Esakinan ta curso specialmente pa esnan cu ya tin
un base di Papiamento p’asina nan mehora nan
habilidad di revisa y coregi diferente tipo di texto
na Papiamento. Durante tur e 20 añanan aki, cu
por cierto lo celebra dia 6 di december venidero,
Ramon a sigui ta un fuente di inspiracion, motiva-
cion y sosten pa e fundacion y e corectornan.
Pa e grupo aki ta un honor masha grandi mes di
por tabata e ultimo cu a ricibi les di Ramon. Nan
a conoce Ramon como un docente cu hopi dedi-
cacion y pasion pa su trabou. E tabata comparti
mucho mas cu solamente habilidad den y aptitud
pa traduccion pa Papiamento, y conocemento den
revision y coreccion di texto na Papiamento. E grupo
a siña tambe di su etica di trabou y su norma- y
balornan. Como docente e ta haya importante no
solamente pa trata e materia, sino tambe pa inter-
cambia cu su alumnonan cu respet y hopi amor. Un
di Ramon su lemanan di docencia ta: “Comparti
conocemento cu amor inculcando sentido critico”.
Na tur momento e ta stimula pensamento critico di
esun cu ta participa den su les. Fuera di e grupo
di Corector tabata presente tambe algun docente
di Papiamento pa hunto cu FCP delibera tocante e
curso di capacitacion di otro aña. Keda pendiente
di esey!
21