Page 9 - LOTTO

A18 deporte
Diahuebs 12 OctOber 2017

Minister: ‘Aruba bon representa den Juegos Sur

Americanos de los juveniles 2017’

ORANJESTAD - Minister demisionario di
Deporte Alex Schwengle hunto cu famia di e
atletanan cu a representa Aruba na Santiago,
Chile a duna nan bon bini despues di a haci
un bon trabou, segun e minister, den e di dos
Juegos Sur Americanos de los juveniles 2017.

Mas di 50 atleta tabata selecta a base di e reglanan vigente di
Comite Olimpico Arubano (COA). Den e cantidad di atle-
tanan a scoge e 11 atletanan cu a representa Aruba na Chile.
“Por ta orguyoso cu e atletanan a bin cu 3 medaya pa Aruba
cu ta 1 medaya di brons den landamento femenino, 1 me-
daya di plata den judo y 1 medaya di oro den taekwondo”,
segun e mandatario.

“Esaki ta un dedicacion di tur dia pa por yega na e nivel aki.
Nan mester mantene esaki y te hasta por supera e nivel pa
nan por yega e Weganan Olimpico na 2020 y kisas 2024,
cual meta ta pa yega eynan.
Ta spera cu hubentud en general siña di e grupo chikito aki,
pasobra no pa motibo cu Aruba ta chikito nos no ta inutil y
no por. Pero al contrario, Aruba ta un isla chikito orguyoso,
cu hopi capacidad.”