Page 16 - AWEMAINTA
P. 16
16 AWEMainta Diasabra, 28 December 2019
Reconocimentonan
di Revista Focus su
25 aniversario
E edicion di FOCUS pa cera aña 2019 cu su 104 pagina a cay na
total agrado di e publico cu por a cumpra e revista n’e prijs di
AWG. 8,50 manera tur luna. Sigur p’e team di FOCUS na mo-
mento di prepara e edicion di december, ta duna uno e sentimento
di satisfaccion, ya cu ta yega ora pa analisa kico tur a pasa den e
aña.
Sinembargo e edicion di december aki ta uno cu mas dedicacion
ainda, ya cu ta celebra e di 25 aniversario di FOCUS Reconoci-
mento, cu a bin ta evoluciona den transcurso di su existencia.
FOCUS Reconocimento a haci su prome debut den luna di decem-
ber 1995, unda cu como pionero den revista na Aruba, a cuminsa
duna reconocemento na nos hendenan, cu a destaca den e aña,
p’asina empodera, aprecia y balora nos propio hendenan.
Den transcurso di aña a haci varios adaptacion n’e criterianan
di FOCUS Reconocimento y mester bisa, cu tur aña cu a haci e
cambionan, e tabata bon acepta y aprecia p’e lectornan di Revista
FOCUS.
P’e FOCUS Reconocimento 25 Aniversario a scoge cinco hende
muher, cada un ta representa un lustro di e revista. Hendenan
muher cu un trayectoria interesante y cu tin un mision y vision
den bida pa awendia ta un rol model pa otro hende muhernan.
Varios di e personahenan cu a ricibi e Reconocimento tabata e
portada di revista durante ultimo añanan.
Cu orguyo FOCUS ta ilustra den e revista di december, e siguien-
te damanan cu a ricibi FOCUS Reconocimento 25 Aniversario:
Osyth Henriquez, Claudia Ponson-Daher, Yelitza Domacassé-
Helmeyer, Irene van der Linde & Naline Heilbron.
Pa di tres aña ta duna e publico tambe e oportunidad pa scoge un
hende muher, cu a inspira y motiva nan ricibi e Reconocimento
FOCUS PANTENE.
E reaccion tabata hopi grandi di parti di e publico, cu a manda
nan nominadonan y hurado a scoge Jaritza Correa como FOCUS
PANTENE Inspiracion.
Jaritza su sentimentonan interiormente a yena di alegria, lesando
tur e nominacionnan. Esaki ta dune e push, pa continua y kisas
cu mas determinacion y forsa ainda. El a yora di alegria momento
cu el a haya sa cu di nominado el a bira ganador.
