Page 2 - AWEMAINTA
P. 2
2 AWEMainta Diasabra, 28 December 2019
E avion Fokker 100 cu a cay na Kazakhstan
No ta registra na Aruba
CADA bes cu tin un accidente aereo na un di e paisnan di tabata tras di cortina
di hero, manera den e caso akin a Kazakhstan, e pensamento ta bay: E ta un di
tanto avionnan registra na Aruba?
Jorge Colindres, ta Presidente y CEO di The Registry of Aruba, cu a keda funda
na 1995. Cu su compania el a bin ta registra masha avion pa Aruba, generando
basta placa, tanto pa su persona y supuestamente pa Gobierno di Aruba.
Pakico pensa cu e avion Fokker 100 cu a cay, ta registra na Aruba, nos ta cita
loke e propio Jorge Colindes a declara: “I travel a lot, meeting government
officials, ministers, aviation authorities and visiting commercial clients all
over the world. We have some very large fleets - in Kazakhstan we have
nearly 40 large aircraft”.
Kier men cu e propio Jorge Colindres ta confirma cu e tin mas di 40 avion
registra na Kazakhstan. Pero segun nos fuente, e avion siniestra aki no ta
registra na Aruba.
Tabata ayera cu e avion aki di Bek Air a perde altura ora cu e tabata lantando
buelo for di Aeropuerto di Almary cu destinacion Nur-Sultan, no a alcansa e
altitude desea y asina a dal den un muraya y siguiente a dal den un edificio di
dos piso halto y accidenta.
Sigur como 12 pasahero a perde nan bida den e crash aki, segun oficialnan di
Kazakh.
Roman Sklyar, Minister di Transporte a duna di conoce cu e avion Fokker 100
a kibra den dos. Esnan cu a muri, mayoria tabata sinta dilanti.
Un sobreviviente a declara cu e avion, preparando pa lanta buelo, tabata shake
masha hopi, pero e avion no por a alcansa e altura desea y asina a accidenta.
En total e avion tabatin 98 pasahero, di cual sigur a keda hospitalisa y 10 di
nan ta den condicion critic. Manera ta ta conoci 12 pasahero a perde nan bida.
Awe diasabra (28 december) a declara Dia Nacional di Rouw pa Gobierno di
Kazakhstan.
