Page 10 - MIN TTC 23 MAART 2016
P. 10
Otmar Oduber Un mensahe na ocasion di dia mundial di
Meteorologia 2016
Tuesday, 22 March 2016 19:01
Comparti
Cambio di clima ta afectando nos entorno natural y humano. Emision di gasnan di invernadero ta sigui
aumenta y temperatura di atmosfera inferior y oceano ta subiendo.
Awe nos planeta ta 1°C mas halto cu cuminsamento di siglo 20. Comunidad internacional na un manera
unanime a reconoce e necesidad pa accion wordo tuma.
Gobiernonan a acepta e acuerdo di Paris di aña pasa den cual ta bisa di frena e aumento di temperatura
averahe global pe keda bou di 2° C riba e nivel di averahe pre-industrial y haci esfuerso pa limita e aumento di
temperatura aki te na 1.5°C.
Esaki ta un compromiso ambicioso y plannan nacionalmente adopta te awor aki kisas no ta suficiente pa evita
un aumento di 3°C di temperatura. Sinembargo nos tin e conocemento y recursonan pa enfrenta futuro.
Organisacion Mundial di Meteorologia (WMO) y Servicionan nacional di Meteorologia ta hunga un papel
esencial den crea sociedadnan resistente na cambionan climatico. Pa motibo di emisionnan di añanan anterior
y presente, nos mester prepara pa dia y anochinan mas caluroso y olanan di calor. Esaki lo afecta salud
humano y pone presion riba sociedad. Nos por reduci riesgonan di salu door di pone sistemanan di alerta pa
temperatura halto cu ta duna un aviso na tempo na e esnan cu tin cu tuma decision y servicionan di salud y
publico en general.
Nos por atende cu secura cu di un manera mas efectivo door di crea gruponan di maneho pa cu secura. Nos por
duna esnan cu tin cu tuma decision e guia necesario pa cu esaki pa nan aplica politicanan efectivo den maneho
di strategia den nan pais. Tambe mester drecha acceso na conocemento cientifico y comparti e miho
practicanan pa atende cu secura. Cambio climatico tambe ta aumenta e menasa o riesgo di yobidanan fuerte y
inundacion. Por proteha bida y propiedad di e menasanan aki pa medio di pronosticonan special, basa riba e
riesgonan aki. E strategia di maneho aki pa cu e riesgo o menasa di posibel desaster aki lo fortalece e esnan
encarga di oficina di emergencia cu informacion for di cual nan por tuma decision y actua.
E agenda di United Nations pa 2030 y obhetivonan di desaroyo sostenibel ta establece un compromiso
poderoso mundialmente pa caba cu pobresa. Esaki ta inclui obhetivonan di sigura alimentacion y awa, tambe
sanidad pa un y tur. E agenda aki ta boga pa energia limpi y ciudadnan duradero. Tambe e ta promove maneho
nan sostenibel di eco-sistemanan natural. Construi comunidadnan resistente pa cu clima y tempo ta un parti
vital den strategia global a yega na un maneho duradero.
